Bli med på konsert på Rossvoll, laurdag 12. september kl. 14.00!
Konsertførestillinga ”Du var vinden” skal visast på Rossvoll i Ulvik laurdag 12. september kl. 14.00. Scenen er sett i eplehagen til Olav H. Hauge. Førestillinga er ein del av Poesifestivalen 2026.
Skodespelar Juni Dahr har invitert med seg jazzmusikarane Tore Brunborg og Per Oddvar Johansen for å skapa ei konsertførestilling i Hardanger under Poesifestivalen 2026. Dikta til Olav H. Hauge har inspirert til ei ny framføring og konsert heime i tunet på Rossvoll, der Olav H. Hauge budde.
Olav H. Hauge levde heile livet som fruktdyrkar i Hardanger. Dikta hans handlar om kvardagen, om dagleglivet og naturen ikring. Men ein finn også mange andre tekstar, til dømes i Hauge sine dagbøker.
Juni Dahr fekk møta Olav H. Hauge fleire gonger, og let seg inspirera av dikta og tekstane hans. Hauge overvar førpremieren på den nynorske versjonen av Jeanne d’Arc, som Juni Dahr framførte i Seljord i Telemark, og dei fekk ein god samtale i etterkant av førestillinga.